Պատկերացրեք մի քաղաք, որտեղ բոլոր բնակիչները երեխաներ են, իսկ փողոցները լցված է երևակայությամբ և ուրախության ձայներով։ Դա հենց այն է, ինչ ներկայացնում է Սիթիզենը՝ ինտերակտիվ կրթական կենտրոն, որտեղ երեխաները կարող են փորձել տասնյակ մասնագիտություններ և զգալ իսկական անկախության համը։
Քաղաքում գործում է «հիվանդանոց», «հրշեջ բաժանմունք», «գեղեցկության սրահ», խանութներ և բազմաթիվ այլ վայրեր, որոնք կազմում են քաղաքի կենդանի պուլսը։ Փոքրիկ այցելուներն իրենք են որոշում՝ ինչ մասնագիտություն ընտրել, ուր գնալ, ինչպես վաստակել և ծախսել իրենց գումարը, ինչպես կառավարել ժամանակը և նույնիսկ ինչպես կառուցել սեփական կարիերան։ Այս հրաշալի ճանապարհորդությունը ոչ միայն ժամանցի միջոց է, այլև արժեքավոր կյանքի հմտություններ ձեռք բերելու հնարավորություն: Այն զարգացնում է երևակայությունը, պատասխանատվության զգացումը և ինքնավստահությունը։ Սիթիզենը խաղը վերածում է սովորելու գործընթացի՝ յուրաքանչյուր այցը դարձնելով փոքրիկ քայլ դեպի ապագա։
Սիթիզենը պարզապես խաղահրապարակ չէ: Այն մի ամբողջ աշխարհ է, որտեղ իրականանում են մանկական երազանքները, և սովորելը դառնում է իսկական արկած։
- ԱՇԽԱՏԱՆՔԱՅԻՆ օրերին՝ 12:00-18:00-ն 4-14 տարեկան այցելուների համար մուտքի տոմսի արժեքն է 16.20 USD, իսկ 18:00-22:00-ն՝ 20.26 USD:
- ՀԱՆԳՍՏՅԱՆ օրերին մուտքի տոմսի արժեքն է 27.01 USD, այն գործում է 1 ԱՄԲՈՂՋ ՕՐ:
- 15 տարեկանից սկսած՝ մուտքի տոմսի արժեքն է 5.40 USD` անկախ օրից:
- Մինչև 4 տարեկան երեխաների մուտքն ԱՆՎՃԱՐ Է, բայց նրանց պարտադիր պետք է ուղեկցեն մեծահասակները:
Բաց է՝
Երկ - Ուրբ: 12:00 - 22:00
Շաբ - Կիր: 11:00 - 22:00