Ծաղկաձոր, Կեչառիս, Սևանա լիճ, Գոշավանք, Հաղարծին, Դիլիջան (գիշերակաց), Ախթալա, Հաղպատ, Սանահինի, Քոբայր, Գյումրի (գիշերակաց), Հառիճավանք, Դաշտադեմ, Առուճ, Երևան

Նոր ուղղություն

Ծաղկաձոր, Կեչառիս վանք, Սևանա լիճ, Սևանավանք, Գոշավանք, Հաղարծնի վանք, Դիլիջան

1. Ծաղկաձոր
Դիտել էջը
Ծաղկաձոր
Ծաղկաձոր քաղաքը (թարգմանաբար՝ ծաղիկների ձոր) համարվում է Հայաստանի ամենահայտնի և հյուրընկալ վայրերից մեկը՝ այն փոքրիկ անկյուններից, որտեղ բնության գեղեցկությունը դրսևորվում է իր ամբողջ բազմազանությամբ:
Ծաղկաձորը գտնվում է Կոտայքի մարզում՝ Երևանից 60 կմ դեպի հյուսիս՝ Թեղենիս սարի արևմտյան լանջին՝ շրջապատված բազմերանգ անտառներով ու ալպիական մարգագետիններով:
2. Կեչառիս վանք
Դիտել էջը
Կեչառիս վանք
Կեչառիսը գտնվում է Ծաղկաձորի հյուսիս-արևմտյան մասում: Կառուցվել է 11-13-րդ դդ.-ում: Վանքային համալիրը բաղկացած է չորս եկեղեցիներից, ինչպես նաև միջնադարյան քաղաքական գործիչ, վանքի հիմնադիր Գրիգոր Մագիստրոս Պահլավունու այժմ արդեն կիսավեր դամբարանից:
3. Սևանա լիճ
Դիտել էջը
Սևանա լիճ
Հայոց լեռնաշխարհի հմայքն ու մարգարիտը հանդիսացող Սևանը Կովկասի ամենախոշոր և աշխարհի ամենամեծ բարձրադիր քաղցրահամ լճերից մեկն է: Գտնվում է ծովի մակարդակից ~1900 մ բարձրության վրա, ունի հրաբխային ծագում, շրջապատված է մինչև 3000 մ և ավելի բարձրության հասնող լեռնաշղթաներով: Գեղեցիկ բնությունը և բյուրեղյա թափանցիկ ջուրը հիանալի հանգստի նախապայման են ստեղծում:
4. Սևանավանք
Դիտել էջը
Սևանավանք
Չքնաղ տեսարան է բացվում Սևանա լճի հյուսիս-արևմտյան մասում, ուր լճի հայելանման մակերևույթից վեր է հառնում թերակղզին` իր միջնադարյան վանքային համալիրով: Սևանավանքը կառուցվել է 874թ.-ին Աշոտ Բագրատունու դուստր` Մարիամ իշխանուհու հրամանով: Երկնքի կապույտի ու լճի զմրուխտի տեսարանին գծագրվող Սբ. Առաքելոց և Սբ. Աստվածածին եկեղեցիներն անբացատրելի տպավորություն են թողնում դիտողների վրա:
5. Գոշավանք
Դիտել էջը
Գոշավանք
Գոշավանքը հիմնադրվել է միջնադարի նշանավոր հոգևոր գիտնական, առակագիր և իրավագետ Մխիթար Գոշի կողմից: Վանքային համալիրը բաղկացած է մի քանի եկեղեցական և աշխարհիկ կառույցներից: Այս խմբի զարդն է կազմում Սուրբ Լուսավորիչ եկեղեցու մուտքի մոտ տեղադրված մեծատաղանդ Պողոս վարպետի կողմից 1291թ.-ին կերտված անզուգական խաչքարը: Գոշավանքը եղել է միջնադարի հոգևոր մշակույթի և գրչության ամենահայտնի կենտրոններից մեկը Հայաստանում: Պատմական աղբյուրներում այն հիշատակվում է որպես վարժարան, համալսարան, ուր ստեղծվել ու պահվել են բազմաթիվ ձեռագրեր:
6. Հաղարծին վանք
Դիտել էջը
Հաղարծին վանք
Տավուշի մարզի սաղարթախիտ անտառներում գտնվող Հաղարծնի վանքը բնության և ճարտարապետության միաձուլման աննկարագրելի օրինակ է: Հիմնադրվելով 10-11-րդ դդ.-ում` վանքը համալրվում է նոր կառույցներով 12-13-րդ դդ.-ում: Այժմ այն բաղկացած է Սբ. Գրիգոր, Սբ. Աստվածածին, Սբ. Ստեփանոս եկեղեցիներից ու հարակից այլ շինություններից: Ճարտարապետական հմուտ մտահղացմամբ առանձնապես աչքի է ընկնում վանական սեղանատունը: Ժամանակին այս ամենը համալրում էր բակում աճող ընկուզենին, որը գրեթե վանքի տարիքին էր: Ցավոք, ներկայումս մնացել է ծառի փչակի փոքր մասը միայն, որը, այդուհանդերձ, մեծ հետաքրքրություն է առաջացնում այցելուների մոտ: Մի բարի ավանդույթ կա այս ծառի հետ կապված, համաձայն որի, եթե մարդուն հաջողվում է երազանք պահելով զուգահեռ անցնել ծառի փչակի միջով, ապա մոտ ապագայում երազանքն իրականություն է դառնում:
7. Դիլիջան
Դիտել էջը
Դիլիջան
Դիլիջանը մարդկանց գրավում է իր անզուգական բնությամբ և մեղմ կլիմայով: Գտնվում է Աղստև գետի ափին և հայտնի է որպես առողջարանային քաղաք: Տաք արևը, անտառային թարմ օդը և հանքային ջուրը բուժական մեծ ազդեցություն են թողնում: Դիլիջանը հարուստ է պատմամշակութային բազմաթիվ կառույցներով:

Ախթալա ամրոց, Հաղպատ վանք, Սանահինի վանք, Քոբայրի վանք

1. Ախթալայի ամրոց
Դիտել էջը
Ախթալայի ամրոց
Ախթալայի ամրոցը գտնվում է Լոռու մարզում և տեղադրված է առաջին հայացքից թերակղզի հիշեցնող, երեք կողմերից խոր կիրճերով շրջապատված, բարձրավանդակի վրա: Ճիշտ օգտագործելով բնական դիրքը՝ այստեղ 10-րդ դարում կառուցում են ամրոց, որն ամրացված է բարձր պարիսպներով, իսկ գլխավոր մուտքի երկու կողմերից բարձրանում են բրգանման եռահարկ աշտարակները: Ամրոցի տարածքում է գտնվում Ախթալայի վանքը՝ բաղկացած երեք եկեղեցուց: Գեղարվեստական տեսանկյունից հատկապես մեծ ուշադրության են արժանի գլխավոր եկեղեցու որմնանկարները:
2. Հաղպատի վանք
Դիտել էջը
Հաղպատի վանք
Սանահինից ոչ շատ հեռու գտնվող եկեղեցական այս համալիրն իր որոշակի տեղն ունի հայ ժողովրդի պատմամշակութային կյանքում: Այն կառուցվել է Աշոտ Երրորդ Բագրատունու իշխանության տարիներին: Հաղպատի գրատանը տարիներ շարունակ գրվել ու մանրանկարազարդվել են բազմաթիվ մագաղաթներ: 18-րդ դարում այստեղ էր ապրում և ստեղծագործում հայտնի բանաստեղծ, աշուղ Սայաթ-Նովան: Իր յուրօրինակ ճարտարապետական մտահղացմամբ հիացնում է Հաղպատի զանգակատունը: Տեսարժան վայրն ընդգրկված է ՅՈՒՆԵՍԿՕ-ի Համաշխարհային մշակութային ժառանգության ցանկում:
3. Սանահինի վանք
Դիտել էջը
Սանահինի վանք
Սանահինի վանքը գտնվում է Դեբեդ գետի աջ ափին` Լոռու կանաչապատ անկյուններից մեկում: Ճարտարապետական այս բարդ համակառույցը բաղկացած է մի քանի եկեղեցիներից, գրադարան-մատենադարանից, դպրանոցից: Առանձին հիացմունք է առաջացնում Սբ. Աստվածածին և Ամենափրկիչ եկեղեցիներն իրար կապող ճեմարանի շենքը, ի սկզբանե լինելով ճարտարապետների հմուտ հնարք, որով այս երկու եկեղեցիներին բարձր սեյսմակայունություն է հաղորդվել: Տեսարժան վայրն ընդգրկված է ՅՈՒՆԵՍԿՕ-ի Համաշխարհային մշակութային ժառանգության ցանկում:
4. Քոբայրի վանք
Դիտել էջը
Քոբայրի վանք
13-րդ դարում Քոբայրը կառուցելիս՝ ճարտարապետների ու վարպետների երևակայությունը հասել է զարմանալի ձեռքբերումների: Վանական համալիրը բաղկացած է երեք եկեղեցիներից, մատուռներից, սեղանատնից: Այս ամենը կառուցված է մի զառիվեր, դժվարամատչելի ժայռաբազուկի վրա՝ շրջապատված բազմաթիվ քարանձավներով: Ամբողջ համալիրը թվում է, թե ուղղակի ներաճած է ժայռերի մեջ ու բնության անբաժանելի մաս է կազմում:

Գյումրի, Հառիճավանք, Դաշտադեմ բերդ, Առուճ եկեղեցի, Երևան

1. Գյումրի
Դիտել էջը
Գյումրի
Հայաստանի հյուսիս-արևմուտքում՝ Շիրակի դաշտավայրի կենտրոնում, Երևանից 126 կմ հեռավորության վրա է գտնվում Հայաստանի ամենակոլորիտային քաղաքը` Գյումրին: Այստեղ շատ խորն են ազգային ավանդույթները, իսկ ոգին յուրահատուկ կերպով արտահայտվում է գրեթե ամեն ինչում: Գյումրվա հին փողոցներով քայլելիս դեռևս թվում է, թե լսվում է դարբինների մուրճերի ձայնը, և փողոցի անկյունից ուր որ է կհայտնվի ֆայտոնը, ու ֆայտոնչին իր բամբ ձայնով կհրավիրի շրջել քաղաքի փողոցներով: Քաղաքի բարձր ճարտարապետության մասին են խոսում բնակելի հին տները, որոնց մեծ մասը, բարեբախտաբար, դիմացավ սարսափելի երկրաշարժին: Այս տներն աչքի են ընկնում ճարտարապետական աշխատանքների ուրույն լուծումներով, բազմերանգ տուֆի գունային համադրություններով, պատշգամբների փայտե բարձրարվեստ զարդաքանդակներով: Ի սկզբանե Գյումրին եղել է մշակութային իրադարձությունների կենտրոնում. հենց այս քաղաքում է առաջին անգամ բեմադրվել Արմեն Տիգրանյանի ժողովրդական «Անուշ» օպերան:
2. Հառիճավանք
Դիտել էջը
Հառիճավանք
Արագած լեռան արևմտյան ստորոտին՝ ժայռոտ հրվանդանի վրա է գտնվում Հառիճավանքը: Ըստ հետազոտողների ենթադրության՝ այն հիմնադրվել է 7-րդ դարում: 13-րդ դարում կառուցվում են համալիրի գլխավոր եկեղեցին ու գավիթը: 19-րդ դարում վանքը դառնում է կաթողիկոսների ամառային նստավայր: Առանձնակի հետաքրքրություն է առաջացնում վանքային համալիրից ոչ շատ հեռու գտնվող փոքրիկ մատուռը` կառուցված մի ժայռաբեկորի վրա, որը երկրաշարժի ժամանակ առանձնացել է ընդհանուր ժայռազանգվածից և թեք վիճակում, գրեթե անվնաս հասել մեր օրեր:
3. Դաշտադեմի բերդ
Դիտել էջը
Դաշտադեմի բերդ
Դաշտադեմի բերդը գտնվում է Թալին քաղաքին կից՝ համանուն գյուղում: Արագածոտնի մարզում հանդիպող միջնադարյան այն ամրոցներից է, որոնք կառուցվել էին Արարատյան դաշտը հարձակումներից պաշտպանելու համար: Ամրոցի հիմքերը դրվել էին դեռ ուրարտական ժամանակներից: Միջնաբերդը կառուցվել է Կամսարական իշխանների կողմից, ովքեր մարզում լայնածավալ շինարարական աշխատանքներ են կատարել: Բագրատունիների թագավորության անկումից հետո Հայաստանի մեծ մասն անցնում է սելջուկյան սուլթանության հսկողության տակ: 12-րդ դարի վերջին քաղաքամայր Անիի կառավարիչ Սուլթան իբն Մահմուդն այստեղ կառուցել է կիսաշրջանաձև և բազմանկյուն հատակագծով բուրգեր` այդ մասին թողնելով արաբատառ արձանագրություն: Զաքարյան իշխաններն ամրոցի շուրջը կիսաշրջանաձև աշտարակներով պարիսպներ են կառուցել, իսկ հյուսիսային պատին կից կանգնեցրել միանավ թաղածածկ եկեղեցի: 19-րդ դարի սկզբին Երևանի Հուսեյն խանը անկյունային ութ աշտարակներով ու բավականաչափ հաստ պատերով պարիսպ է կառուցում, ինչի շնորհիվ էլ ամրոցը դառնում է խոշորագույնը Հայաստանի տարածքում:
4. Առուճի եկեղեցի
Դիտել էջը
Առուճի եկեղեցի
Երևանից 40 կմ հեռավորության վրա է գտնվում Առուճ գյուղը, որի տարածքում կան բազմաթիվ պատմամշակութային հուշարձաններ: Այստեղ է գտնվում Հայաստանում ամենամեծ եկեղեցիներից մեկը` Սբ. Գրիգոր գմբեթավոր համալիրը: Եկեղեցին կառուցվել է 7-րդ դարում և մեծ հետաքրքրություն է առաջացնում հատկապես իր որմնանկարներով, որոնք, թեպետ ամբողջովին չեն պահպանվել, բայց վառ կերպով արտացոլում են այդ ժամանակների վարպետությունը: Եկեղեցու գմբեթն անցյալում ավերվել է և այժմ նրա համար գմբեթ է ծառայում անհատակ երկինքը, որի գունային անցումները թվում է, թե շարունակում են որմնանկարների սյուժեն: Եկեղեցու կողքին պահպանվել են պալատական մի կառույցի ավերակներ, իսկ գյուղի մեջ՝ նաև կիսաքանդ քարավանսարա՝ կառուցված 13-14-րդ դդ.-ում:
5. Երևան
Դիտել էջը
Երևան
Երևանը Հայաստանի մայրաքաղաքն է, քաղաք, որ 29 տարով մեծ է Հռոմից: Թվագրվում է մ.թ.ա. 782թ.-ով, հիմնադրվել է հինավուրց Էրեբունի ամրոցի տեղում՝ կառուցված Արգիշտի Առաջինի կողմից: Երևանը հաճախ կոչում են «վարդագույն քաղաք», քանի որ այստեղ շատ շենքեր կառուցված են վարդագույն տուֆից: Մայրաքաղաքը տուրիստական հայտնի ուղղություններից մեկն է՝ շնորհիվ բազմաթիվ տեսարժան վայրերի, ակտիվ գիշերային կյանքի, հրաշալի թանգարանների, ինչպես նաև գեղեցիկ զբոսայգիների:

Ներառված է

  • Փորձառու վարորդներ
  • Օդորակիչով մեքենաներ
  • Շշալցված ջուր
  • Մեկնարկը (ավարտը) Երևանում ցանկացած վայրից
  • Տրանսպորտային միջոցի և ուղևորների ապահովագրություն
  • Լրացուցիչ կանգառներ երթուղում
  • Վարորդի/էքսկուրսավարի գիշերակացը և սնունդը

Ներառված չէ

  • Գիշերակաց հյուրանոցում
  • Զգալի շեղումներ երթուղուց
  • Ալկոհոլային խմիչքներ՝ ճաշով տարբերակն ընտրելու դեպքում
  • Աուդիոգիդեր
  • WiFi տրանսպորտում
  • Բացահայտեք հայկական հովիտների գեղեցկությունը
  • Այցելեք Եվրասիայի ամենախոշոր բարձրլեռնային քաղցրահամ լճերից մեկը
  • Ուսումնասիրեք «Հայկական Շվեյցարիա»-ի անտառները
  • Բացահայտեք ՅՈՒՆԵՍԿՕ-ի Համաշխարհային մշակութային ժառանգության անկրկնելի տեսարժան վայրերը
  • Հիացեք գեղատեսիլ լեռնաշղթաներով
  • Զբոսնեք «արհեստների և արվեստի քաղաք»-ով

*հարկ կլինի բարձրանալ 200 աստիճան՝ Սևանավանք հասնելու համար
*հարկ կլինի բարձրանալ 600 մ ոտքով՝ Հաղարծին հասնելու համար
*բարձր ճնշման հետ խնդիրներ ունեցող մարդկանց խորհուրդ չի տրվում մասնակցել այս էքսկուրսիային