Ժամանում Թբիլիսի, Ճաշ, Մցխետ, Ջվարի վանք, շրջայց-էքսկուրսիա Թբիլիսիում (գիշերակաց), Բորժոմի, Ռաբաթ ամրոց, Ճաշ, Վարձիա (ժայռավանք և քարանձավային քաղաք), Գյումրի, Երևան

Հյուրանոցն ու ճաշերը ներառված են

Ժամանում Թբիլիսի, Ճաշ, Մցխետ, Ջվարի վանք, Թբիլիսի (գիշերակաց)

1. Մցխետ
Դիտել էջը
Մցխետ
Քուռ և Արագվ գետերի միախառնման տեղում է գտնվում քրիստոնյա Վրաստանի առաջին մայրաքաղաք Մցխեթը: Հինավուրց այս քաղաքն այժմ ՅՈՒՆԵՍԿՕ-ի Համաշխարհային մշակութային ժառանգության ցանկում է: Ավանդության համաձայն՝ այն հիմնադրել է վրացիների նախահայր Քարթլոսի որդի Մցխեթոսը: Հռիփսիմյան կույսերից Նունեն (Նինո), ով հրաշքով ազատվում է կույսերի նահատակության ժամանակ, փախչում է Մցխեթ և այստեղ քրիստոնեություն քարոզում: Կույսը բուժում է Միրիան թագավորի հիվանդ զավակին, ապա նաև՝ Նանա թագուհուն: 4-րդ դարում Միրիան արքան Նունեի խորհրդով կառուցում է առաջին փայտե եկեղեցին, որի տեղում 5-րդ դարում Վախթանգ Առաջին Գորգասալը հիմնում է բազիլիկ եկեղեցի: 11-րդ դարի սկզբին վնասված բազիլիկի փոխարեն կառուցվել է Սվետիցխովելի տաճարը (վրացերեն` կենարար սյուն): Մեկ այլ եկեղեցի՝ Սամթավրո վանական համալիրը, նույնպես կառուցվել է Միրիան արքայի կողմից, սակայն իր ժամանակակից տեսքը ստացել է Գեորգի Առաջինի օրոք (11-րդ դար):
2. Ջվարի վանք
Դիտել էջը
Ջվարի վանք
ՅՈՒՆԵՍԿՕ-ի հուշարձանների ցանկում, որպես Մցխեթ քաղաքի մաս, գտնվում է նաև Ջվարի վանքը (սուրբ խաչ): Կառուցվել է 7-րդ դարի առաջին կեսին՝ այնտեղ, որտեղ քրիստոնեության քարոզիչ Սուրբ կույս Նունեն (Նինո) խաչ էր կանգնեցրել: Այդ տեսարանը նկարագրված է Լերմոնտովի «Մծիրի» պոեմում: Վանքը գտնվում է շրջակայքից 150 մ բարձրությամբ ուղղաձիգ ժայռի վրա, որտեղից բացվում է չքնաղ տեսարան դեպի Մցխեթ քաղաք՝ Քուռ և Արագվ գետերի միախառնման վայրը: Ջվարի վանքը քառաձև խաչ հատակագծով շինություն է, որի եզրերը ձևավորված են կիսաշրջան աբսիդներով: Վանքն ավարտվում է ութ կլոր խորաններով թմբուկով: Շինությունը վերականգնվել է 2007թ.-ին:
Ճաշ
Ճաշ
3. Թբիլիսի
Դիտել էջը
Թբիլիսի
Վրաստանի մայրաքաղաք Թբիլիսին գտնվում է Երևանից հյուսիս` 290 կմ հեռավորության վրա: Այս քաղաքի հատակագծի վարարուն երակը Քուռ գետն է, որն իր հոսքով հիանալիորեն միաձուլվում է քաղաքի ռիթմին: Այստեղ ամենուր իշխում են վառ գույներն ու ուրախ տրամադրությունը: Քաղաքը հարուստ է բազմաթիվ պատմամշակութային հուշարձաններով:
Առանձնակի հետաքրքրության են արժանի Նարիկալա շրջանի վաղ միջնադարից պահպանված նեղ փողոցներն ու ընդարձակ Ռուսթավելի պողոտան։ Թբիլիսիի ժամանակակից տեսքը վսեմ ու հին տաճարների և կիսավեր ամրոցների, հին թաղամասերի և քանդակազարդ պատշգամբներով գունագեղ բակերի, սովետական շինությունների և գերժամանակակից բիզնես կենտրոնների վառ խառնուրդ է: Այս հակադրությունը պարզ տեսանելի է ճոպանուղուց:

Բորժոմի, Ռաբաթ ամրոց, Վարձիա (ժայռավանք և քարանձավային քաղաք), Գյումրի, Երևան, Ճաշ

1. Բորժոմի
Դիտել էջը
Բորժոմի
Բորժոմին առողջարանային քաղաք է հարավ-կենտրոնական Վրաստանում՝ հայտնի հանքային ջրերի արտադրությամբ: Հնագիտական պեղումների ժամանակ պարզվել է, որ այս տարածքում ժամանակին քարե բաղնիքներ են եղել, ինչն ապացուցում է, որ մարդիկ այստեղ դարեր շարունակ օգտագործել են այդ հանքային ջրերը: Բորժոմիի հանքային աղբյուրները, օժտված լինելով վերականգնող և բուժիչ հատկություններով, հանդիսանում են Վրաստանի ամենահաճախ այցելվող վայրերից մեկը: Քաղաքի հիասքանչ բնությունը վայելելու լավագույն տարբերակը հանքային ջրերի պուրակ այցն է. այն թվագրվում 1850-ական թթ.-ով: Կարող եք նստել ճոպանուղի, որը մեկնում է պուրակից՝ բարձրանալով դեպի բլուր, և հիանալ առողջարանային քաղաքի դյութիչ տեսարաններով:
2. Ռաբաթ ամրոց
Դիտել էջը
Ռաբաթ ամրոց
Ռաբաթ ամրոցը (9-րդ դար), որը գտնվում է Փոցխով գետի ափին, ք. Ախալցիխեի՝ Սամցխե-Ջավախքի մայրաքաղաքի (հարավային Վրաստան) գլխավոր տեսարժան վայրն է: Քաղաքի անվանումը թարգմանաբար նշանակում է «նոր բերդ», այն հիմնադրվել է միջին դարերում (առաջին հիշատակումները թվագրվում են 12-րդ դարով): Ռաբաթը ժամանակին ծառայում էր որպես տարածաշրջանի պաշտպանական օբյեկտ: Ամրոցը կառուցվել է բարձր բլրի վրա, այնպես որ այն տեսանելի է քաղաքի ցանկացած կետից: Ամրոցից ոչ հեռու են գտնվում Սամցխե-Ջավախքի պատմության թանգարանը, ուղղափառ եկեղեցի, միջնաբերդ, մզկիթ, կգտնեք նաև ռեստորաններ, սրճարաններ, հյուրանոցներ և ամուսնության պալատ: 12-13 դարերում Ռաբաթ ամրոցն ընդլայնվեց՝ դառնալով Ջակելի տոհմի նստավայրը: 2011-2012թթ.-ին այնտեղ լայնամասշտաբ վերականգնողական աշխատանքներ են իրականացվել:
Ճաշ
Ճաշ
3. Վարձիա (ժայռավանք և քարանձավային քաղաք)
Դիտել էջը
Վարձիա (ժայռավանք և քարանձավային քաղաք)
12-րդ դարում հիմնադրված քարանձավային քաղաք Վարձիան Վրաստանի ամենակարևոր և տպավորիչ պատմական հուշարձաններից մեկն է, գտնվում է ծովի մակարդակից 1300 մ, իսկ Էրուշեթի լեռան ստորոտից՝ 100 մ բարձրության վրա: Համալիրը ժամանակին բաղկացած էր 13 հարկից, որոնք միմյանց կապվում էին գետնուղիների բարդ համակարգով: Վարձիայի համալիրում կային բնակելի թաղամասեր, սեղանատներ, պահեստներ, գինու մառաններ, ինչպես նաև գրադարաններ: Քաղաքն ուներ խմելու ջրի մատակարարում և կոյուղի: Վարձիայի փորված վանքը Վարձիա պատմա-ճարտարապետական թանգարան-արգելոցի մասն է կազմում: Այս վայրը պատմության և մշակույթի սիրահարների կողմից մեծ հետաքրքրության է արժանանում:
4. Գյումրի
Դիտել էջը
Գյումրի
Հայաստանի հյուսիս-արևմուտքում՝ Շիրակի դաշտավայրի կենտրոնում, Երևանից 126 կմ հեռավորության վրա է գտնվում Հայաստանի ամենակոլորիտային քաղաքը` Գյումրին: Այստեղ շատ խորն են ազգային ավանդույթները, իսկ ոգին յուրահատուկ կերպով արտահայտվում է գրեթե ամեն ինչում: Գյումրվա հին փողոցներով քայլելիս դեռևս թվում է, թե լսվում է դարբինների մուրճերի ձայնը, և փողոցի անկյունից ուր որ է կհայտնվի ֆայտոնը, ու ֆայտոնչին իր բամբ ձայնով կհրավիրի շրջել քաղաքի փողոցներով: Քաղաքի բարձր ճարտարապետության մասին են խոսում բնակելի հին տները, որոնց մեծ մասը, բարեբախտաբար, դիմացավ սարսափելի երկրաշարժին: Այս տներն աչքի են ընկնում ճարտարապետական աշխատանքների ուրույն լուծումներով, բազմերանգ տուֆի գունային համադրություններով, պատշգամբների փայտե բարձրարվեստ զարդաքանդակներով: Ի սկզբանե Գյումրին եղել է մշակութային իրադարձությունների կենտրոնում. հենց այս քաղաքում է առաջին անգամ բեմադրվել Արմեն Տիգրանյանի ժողովրդական «Անուշ» օպերան:
5. Երևան
Դիտել էջը
Երևան
Երևանը Հայաստանի մայրաքաղաքն է, քաղաք, որ 29 տարով մեծ է Հռոմից: Թվագրվում է մ.թ.ա. 782թ.-ով, հիմնադրվել է հինավուրց Էրեբունի ամրոցի տեղում՝ կառուցված Արգիշտի Առաջինի կողմից: Երևանը հաճախ կոչում են «վարդագույն քաղաք», քանի որ այստեղ շատ շենքեր կառուցված են վարդագույն տուֆից: Մայրաքաղաքը տուրիստական հայտնի ուղղություններից մեկն է՝ շնորհիվ բազմաթիվ տեսարժան վայրերի, ակտիվ գիշերային կյանքի, հրաշալի թանգարանների, ինչպես նաև գեղեցիկ զբոսայգիների:

Ներառված է

  • Փորձառու էքսկուրսավար՝ ԱՆԳԼ + ՌՈՒՍ + ՀԱՅ հաջորդաբար
  • Գիշերակաց հյուրանոցում
  • Երկանգամյա սնունդ (նախաճաշեր և ճաշեր)
  • Օդորակիչով մեքենաներ
  • Շշալցված ջուր
  • Մուտքի տոմսեր
  • WiFi տրանսպորտում
  • Տրանսպորտային միջոցի և ուղևորների ապահովագրություն

Ներառված չէ

  • Ընթրիք
  • Հետադարձ փոխադրում հյուրանոց՝ Երևան վերադառնալիս
  • Այցելեք Վրաստանի մայրաքաղաքի ամենահայտնի տեսարժան վայրերը
  • Զբոսնեք հին քաղաքի գողտրիկ փողոցներով
  • Զգացեք վրացական անկրկնելի համն ու հոտը
  • Բացահայտեք հանքային աղբյուրների բուժիչ հատկությունները
  • Ուսումնասիրեք ՅՈՒՆԵՍԿՕ-ի Համաշխարհային մշակութային ժառանգության անկրկնելի տեսարժան վայրերը
  • Հիացեք 7-12-րդ դդ. ճարտարապետությամբ

*Վարձիայում հարկ կլինի ոտքով հատել մեծ տարածություն, ինչպես նաև անցնել բազմաթիվ անհարթ աստիճաններով

*Հնարավոր է՝ որոշ երկրների ռեզիդենտներ (մանրամասները ճշտեք գրասենյակում) կարիք ունենան նախօրոք վիզայի համար դիմել Վրաստան մուտք գործելու կամ/և ետադարձին Հայաստան մուտք գործելու համար
*Վրաստան մուտքի վիզան կամ/և Հայաստան վերադարձ մուտքի վիզան ներառված ՉԷ
*Խնդրում ենք վերցնել Ձեզ հետ վավեր անձնագիր՝ սահմանը հատելու, ինչպես նաև հյուրանոց մուտք գործելու համար